Home / WORLD NEWS / Thawngchia:U Phu Tun Cu Ralhrang Nih An Thah.

Thawngchia:U Phu Tun Cu Ralhrang Nih An Thah.

Sagaing ramthen, Kalaymyo chaklei Thar Sii khua chung ah tuzing zinglei in meithal puah pah ah ralhrang an rak lut. Ralhrang hna nih Thar Sii khua mi U Phu Tun cu a ruang ngei lo pi in an kahthah tiah theih a si. Thar Sii khua mi U Phu Tun cu kum 46 a si. A mah cu an kahthah i ralhrang hna cu khua chung in an chuak. Hriamnam tling he an si i RPG hna zong an i ken an riahbuk ah an kir than theo lai tiah kan zumh ti in a hmunhma um thawnglatu hna nih an chim.

Nihin zingka suimilam 10 hrawng ah Kalaymyo chaklei meng 1 a hlat nak Thar Sii khua ah lut in an kah hna, mi 2 hliam an tuar i nu zong i tel in mi 6 nak tlawm lo an tlaih hna i an velh hna tiah cu thil a can lio a hmu tu khua mi pakhat nih a chim.Thar Sii khua mi pakhat an kahthah inn 2 nak tlawm lo an kangh an tlaih mi chung in Nu pawl cu an thlah than dih hna. A tuu cu khua chung mi kan zaam dih i minung zeizat an tlaih hna ti fiang in kan thei kho rih lo tiah a hmunhma thawnglatu hna sin in theih a si the chin post.

Relchap hna Zaw Min Tun nih kannih cu USA zong nih an kan dirpi i bawmhnak zong an kan pek lai tiah a chim. Hi thil a chim hi Ralhrang lutlai Min Aung Hlaing le Former United Nations envoy Bill Richardson (UN palai hlun) hna Naypyidaw ah tuni an i ton hnu ah a chimmi a si.

UN palai hlun pa Bill Richardson le Min Aung Hlaing i tonnak ah hin Covid-19 khamnak si-ai le Humanitarian assistance (minung le minung cio i bawmhchanhnak) kong hna an ceih tiah Zaw Min Tun nih a chim. Hi i tonnak ah Zaw Min Tun nih US le Kawlram i pehtlaihnak cu a rawk lo, rampi cozah tak tak a simi kanmah he kan ceihkhaanmi a si tiah a ti chap.

Cun UN palai hlun Bill Richardson nih hin zeiti lei in kan in bawmhnak lai timi cu a chim dih lo nain bawmhnak a herhmi vialte cu a rak phanh hrim hrim a herh tiah an kan dirpi nak zong a chim tiah Zaw Min TUn nih a chim.

Thawngdang Matupi peng chung, Sabawng Te khua ah a um mi SAC ralkap Sakhan cu CNF le CDF nih an lak khawh cang, an mah control nak in humhim khawh a si cang tiah kan theih. Hi Sakhan hi CNF le CDF nih an kulh lengmang mi a si i ralkap pawl leng an chuah paoh ah an rak kah hna, cu caah ralkap pawl cu leng chuak ngam ti loin caan saupi Sakhan chung ah cun an rak erh khumh hna tiah Khuami pakhat sin in kan theih.

Nai January 5, 2022 ah khan Matupi peng, Sabawng Te SAC ralhrang Sakhan ah a um mi, Ralkap pawl hna cu leng chuak ngam loin an um nak a sau cang caah, an caah zeitin hmanh in umnak le thutdirnak a tha ti lo, cu caah Sakhan ah a um mi Ralkap vialte le an thilri hna cu, Helicopter in an rak lak dih hna i, an Sakhan cu an zaam tak cang tiah Matupi Revolution News nih a langhter.

Hi kong he pehtlai in CNF Spokesperson a simi le CNA Ralbawi ngan a simi Salai Htet Ni nih “Sabawng Te khua ah a um mi SAC ralhrang Sakhan cu an chuah tak ko cang. Helicopter pathum in an rak rat hnawh hna i Sakhan ah a um mi Ralkap le an thilri hna cu an lak dih cang hna. An mah tein an Sakhan cu an zaam tak cang” tiah a chim ve.

A luancia caan, kan hnu kum zong ah khan Thantlang peng, Vuangtu Khua ah a um mi Ralkap Sakhan zong an mah tein an rak chuah tak cang. CDF le CNF lei cawlcanghnak an zoh tikah Vuangtu Sakhan um ralkap pawl cu cawlcang ngam loin an um hnu, voi tampi CNF le CDF nih CDM tuah ding in ralrin an pek hna hnu ah an mah tein an rak chuah tak cang. Atu zong ah Matupi peng, Sabawng Te Sakhan cu saupi erh khumh an si hnu ah an mah tein an chuah tak than hi asi.

Matupi peng, Sabawng Te khua ah a um mi Sakhan cu ralkap nih an chuah tak, an zaam tak cang, a si nain Matupi peng chung ah a tu zong raldohnak cu a faak ngai ngai rih ko.

A tu thla thok hrawng in khan Matupi peng chung ah ralkap thazaang an chap i raldohnak faak ngai in chuah hram aa thok, cu caah CNF siseh, Chinland Defense Forces hna, Chin ramkulh chung hriamtlai hna nih biatak tein doh hna ding kan i timtuah i raldohnak a faak chin chin kho dirhmun ah kan um ko tiah Salai Htet Ni nih cun a chim fawn.

Cun Falam peng chung zong ah SAC ralhrang lei nih an thazaang an rak chap ngai caah pehtlai in kahnak le raldohnak a chuak cuahmah kho dirhmun ah kan um rih ko tiah Salai Htet Ni nih cun a chim hi asi.

About admin

Check Also

Chin Ram Kah Doh Nak Ah Ralhrang 80 Leng An Thah Than Hna

Chin ramkulh Tedim pengchung, January 13-22 tiang kahdohnak ah ralhrang phu lei in minung 82 …

Leave a Reply

Your email address will not be published.