Home / ASIAN NEWS / Uico Ralhrang An Mah Le An Mah Thah Dih An I Tim Cang

Uico Ralhrang An Mah Le An Mah Thah Dih An I Tim Cang

Nizan January 13, 2022 ah Shan ram thlanglei Kyautme peng ah tlangcung hriamtlai phu hna anmah le mah kar kahdohnak faak ngai in a chuak tiah theih a si. Nizan January 13, zinglei suimilam 8:00 hrawng ah thawk in zanlei tiang kahdohnak a faak ngai, tiah khuachung mi nih an chim. Kyautme Nawng Aan , Chawng Choh khua lei tiang faak ngai in kahdohnak a chuak i Nakhaw, Bukha khua chaklei tiang hriamngan kahthawng kan theih, tiah khua mi pakhat nih a chim. Kyautme pengchung ah cun Tanawng TNLA, SSPP/SSA le RCSS ti in tlangcung hriamtlai phu hna an um i tlangcung hriamtlai phu anmah le mah kar ah atu le tu kahdohnak a chuak tawn, tiah khua mi hna nih an chim. Than Lwin Khet

Palatwah Peng Ah Khuachung Minung 25 Ralhrang Phu Nih Ralphaw Ah An Hman Hna; Chin ramkulh Palatwah peng, Sami(ဆမီး) khua, Taiwah khuakomh, Pawah khua in Church pastor U Thang Nuait telh in khuachung minung 25 hna cu January 5 ah ralhrang phu hna nih an tlaih hna i, ralphaw ah an kalpi hna. Ralhrang nih an tlaih mi hna hi Palatwah khah-mah-yiah 289 battalion ah an kuat hna tiah theih a si. “January 4 ah Sami um ralhrang phu hna nih rallam an sial i, cu rallam an sial pah cun Pawah(ပါဝ) khuachung ah meithal puah buin an lut. Church pastor U Thang Nuait telh in khuachung mipi 25 cu an tlaih hna. Atu ah ralhrang phu hna tlaih a tongmi mipi 25 cu Palatwah 289 battalion hmunhma chung ah an kuat hna.

Cun, cuhlan cozah chanlio ah khuabawi upa a rak tuan mi minung 13 hna zong Sami ralhrang umnak hmun ah an hren hna,” tiah Sami khua mi pakhat nih a chim. A luancia ni tlawmpal zong ah khan dalan hna nih ralhrang phu sin thawng an pek ruangah CDF-Palatwah battalion 1 hmunhma cu nawlngeihnak latu ralhrang phu Sami (ဆမီး) umhmun khuarmi ralhrang minung 130 leng nih luhhnawh in an doh hna. sinain CDF-Palatwah cu hliamtuar um lo in ralhrang phu hna cu an hrialkhawh hna, tiah CDF-Palatwah nih cathanh an chuah. Mizzima

Khah-lah-yiah 268 In Ralkap Pakhat Cu A Hriamtling He CNDF Sin Ah Aa Fonh; Chin ramkulh Falam peng khah-lah-yiah 268 in Zin Lyin Awng private number tah(တ)- 542121 cu nawlngeihnak latu ralhrang phu hna cung ah lungfahnak tampi ngei buin a chuahtak hna. An kuttang riantuan cu ngol in mizapi ralkap lei ah dir ding in, CNO/CNDF sin ah a hriamtling he aa fonh. CNO/CNDF nih laksawng phaisa an pek hnu ah a himnak hmunhma ah kalter, tiah Chin National Organization(CNO) nih cathanh an chuah Laknak The chin post.

About admin

Check Also

Min Aung Hliang Sin Ah A Sual Tak Mi Mrime Minister A Kal Lai

Zualchin nih a nau a va tlawn timh! Zualchin le a nau nan hmu hna …

Leave a Reply

Your email address will not be published.